Халқ орасида криминал авторитет “Салимбойвачча” номи билан танилган – Салим Абдувалиев 6 йиллик жазо муддатидан 5 йил олдин озодликка чиқди.
75 яшар Абдувалиев соғлиги ёмонлашгани боис жазодан озод қилингани айтлди. Унга нисбатан Ўзбекистон жазо тизимида камдан-кам қўлланадиган ЖК нинг 75-моддаси қўлланган.
Салим Абдувалиев ва унинг атрофида криминал оламга алоқадор кўрилган қатор шахслар 2023 йил охирида Ўзбекистонда ўтказилган “Долзарб 40 кунлик” рейдлари давомида қўлга олингани расман айтилган.
Аммо, Озодликнинг ҳуқуқ-тартибот идораларидаги манбаларига кўра, унинг ҳибсга олиниши Қирғизистонда унга нисбатан “уюшган жиноий гуруҳлар фаолиятини молиялаштириш ва наркотик савдоси”га оид айблов қўйилиши билан боғлиқ.
Қирғизистон томони 2024 йилнинг августида айблов эълон қилган ва ҳозирга қадар Абдувалиев билан алоқаси учун 10 га яқин қирғизистонлик таниқли шахс сўроққа тортилди, ҳибсга олинди ёҳуд ишдан бўшатилди.
🔴 Ozodlik kanaliga obuna bo’ling! 👉 https://t.me/ozodlikkanali
🔴 Bizga xabar yo’llash uchun 👉 https://t.me/ozodnews
Xalq orasida kriminal avtoritet “Salimboyvachcha” nomi bilan tanilgan – Salim Abduvaliyev 6 yillik jazo muddatidan 5 yil oldin ozodlikka chiqdi.
75 yashar Abduvaliyev sog‘ligi yomonlashgani bois jazodan ozod qilingani aytldi. Unga nisbatan O‘zbekiston jazo tizimida kamdan-kam qo‘llanadigan JK ning 75-moddasi qo‘llangan.
Salim Abduvaliyev va uning atrofida kriminal olamga aloqador ko‘rilgan qator shaxslar 2023-yil oxirida O‘zbekistonda o‘tkazilgan “Dolzarb 40 kunlik” reydlari davomida qo‘lga olingani rasman aytilgan.
Ammo, Ozodlikning huquq-tartibot idoralaridagi manbalariga ko‘ra, uning hibsga olinishi Qirg‘izistonda unga nisbatan “uyushgan jinoiy guruhlar faoliyatini moliyalashtirish va narkotik savdosi”ga oid ayblov qo‘yilishi bilan bog‘liq.
Qirg‘iziston tomoni 2024-yilning avgustida ayblov e’lon qilgan va hozirga qadar Abduvaliyev bilan aloqasi uchun 10 ga yaqin qirg‘izistonlik taniqli shaxs so‘roqqa tortildi, hibsga olindi yoxud ishdan bo‘shatildi.
#ozodlik #uzbekistan #tashkent #yangiliklar #uzbek #salimboy
